Velkommen

Kulturminnedag med ”NOVELLER, REALITETAR OG MAGI”

Posted on Updated on

 

 

”NOVELLER, REALITETAR OG MAGI”

ARTIST – IN – RESIDENCE UTSTILLING PÅ HALSNØY KLOSTER,

10. september – 8. oktober 2017

Fran Forman (USA), Sophie Zenon (Frankrike), Louisa Marie Summer (Tyskland/USA)

Utstillingsopning sundag 10. september kl 17.00

Utstillinga vert opna av forfattar Anne Karin Fonneland

Sunnhordland Museum ynskjer for 15. gong velkomen til utstilling i samband med kunstnaropphalda på Halsnøy Kloster. Det er tre markante kvinner som syner resultatet av opphaldet på Halsnøy i august / september i fjor. Alle tre har oppnådd stor merksemd internasjonalt med arbeida sine innanfor kvar sin retning.

Arrangementet er del av dei nasjonale kulturminnedagane. og vi har og omvisingar kl 14.00 og 15.30

 

Fran Forman arbeider med digital collage, det vil seie at ho tek utgangspunkt i eksisterande bilder, anten gamle bilder ho kjem over, eller nye bilder som ho lagar til føremålet. Desse bilda monterer ho saman digitalt, og lagar sine magiske og surrealistiske små forteljingar.

I dette tilfellet er alle grunnlagsbilda fotografert på Halsnøy i 2016, og det vert kun laga to eksemplar av kvart bilde.

Fran skriv om opplevinga si på Halsnøy, og prosjektet ho har kalla ”Midnight Sun”:

”I landet der sola når inn i natta, eit diffust lys gjev ein aura av mysterier og magi.

Fragment av draumar kjem og forsvinn, medan tida verkar å stå stille.(…) dette er augneblinkar av magi, der lyset og mørket blandar seg saman, der du skjønar at utan skuggen kan du aldri nyte lyset..”

Fran Forman har mastergrad i Fine Arts frå Boston University, og er i tillegg utdanna i sosiologi. Ho har hatt tallause utstillingar, og er innkjøpt i mange offentlige og private samlingar. Blant mange publikasjonar kan nemnast den prisvinnande boka ”The Escape Artist”.

Sophie Zenon bur og arbeider i Paris. Ho fekk sterke opplevingar då ho fotograferte i Mongolia på 90-talet, og fatta interesse for korleis ulike folk tenkjer kring liv og død, sjamanisme og anna mystikk. Ho arbeider og med si eiga familiehistorie.

På Halsnøy har ho laga ein serie med små historiar i biletform, og oppfordrar betraktarane til å finne sine eigne historiar i prosjektet ”Short Stories at Halsnøy Kloster”. Ho seier: ”På denne staden, borte frå verda, ein stad eg opplevde verken verkeleg eller uverkeleg, fann eg drivstoff til fantasien min.

Historiane framsto som i eit spanande lukka rom der hovudpersonen vert konfrontert med eigne minne, og møte med menneske som har gått bort.”

Sophie Zenon har mange utstillingar bak seg, over store delar av Europa, og har gjeve ut ei rekkje bøker. Ho har og motteke fleire prisar for arbeida sine.

Louisa Marie Summer bur i New York og München, og arbeider over store deler av verda med å dokumentere dagleglivet til menneske som slit.

Ho er ein visuell historieforteljar som er sterkt oppteken av sosiale forhold, og seier at for henne betyr fotografiet å nærma seg andre menneske sine liv med nysgjerrighet, respekt og empati.

På Halsnøy opplevde ho eit sterkt og godt samansveisa lokalsamfunn der alle kjenner alle, og ho vart snart kjend som fotografen som vinka og ville ta bilde av folk.

”Då eg reiste frå klosteret tok eg med meg dei vakre og intime møta eg hadde hatt med folk på øya. Eg opplever at portretta mine reflekterer noko av øya sin ande, eg opplever folk på øya som venlege, gjennomtenkte, om enn noko reserverte. Dei har ei naturleg indre kraft, som eit tre som bøyer seg i vinden utan å knekke”.

Louisa har hatt utstillingar i mange land, og bilda hennar er publisert i aviser og magasin.

Ho har gjeve ut tre bøker, den siste – ”Jennifer´s Family” – kom i 2012.

 

For informasjon om Klosteret, opningstider og anna, kontakt Sunnhordland Museum

hkl@sunnhordland.museum.no, tlf. 53413899/ 48130020

For meir informasjon om utstillinga og AiR prosjektet, kontakt Øyvind Hjelmen

(kunstnarleg leiar for AiR-prosjektet) tlf 9008 0778 eller oh@oyvindhjelmen.com

Kunstnaropphaldsprogrammet er støtta av 

 

Advertisements

Innhaldsrik klosterdag

Posted on Updated on

Da Vinci sin sjøvbærande bru måtte prøvast
Vérgudene var ikkje heilt på vår side  sist søndag, men sjølv om det bles godt holdt regnet seg unna  mesteparten av dagen.  Klosterdagen 2017 inneholdt programposter til glede for både store og små og vi må seie oss godt nøgde med oppmøtet.

Venelaget opna dørene  allereie før offisiell start på dagen, då det var ruskete ute , og slapp publikum inn til bugnande kakebord og varme supper. Dei hadde for anledningen sytt for både neslesuppe og potetsuppe, baka flatbrød og klosterbrød.

Fyrste post på programmet var opning av sommarutstillinga «Kom nærare» i kjellaren med kunstnaren, Jeanette Persson, sjøv tilstades. Utstillinga falt i smak og ikkje minst i undring hos publikum, som kunne studere materialkunsten på nært hald,- ja til og med røre og kjenne på..

Tema for dagen var i stor grad urter og planter til forskjellig bruk. Etter opninga var det klart for føredrag om «Urter – til mat og medisin» med lege Geir G. Flatabø. Dette hadde folk nærast «gått mann av huse» for å få med seg og stovene var fylde til randen og vel så det.

Mange vart nok inspirerte til å kjøpa forkjellige urte- og planteprodukter både hos «Kjerringarden» og Valen gartneri som hadde satt opp boder på området ute.

Ute på tunet kunne du få prøva aktivitetar av ulike slag. Mellom anna kunne ein få prøva seg på å skyta blink med pil og boge  i regi av Kvinnherad bogejegerklubb eller bygge Da Vinci sin sjølvbærande bru, laga til av venelagsmedlemer. Begge deler var populære hos både små og store,. ein må jo prøva ikkje sant? Det viser i alle fall bileta under. Dagen vart avslutta med ein times pianokonsert i  stovene med pianist André Eide ved tangentane. Det siste året har han vore «huspianist» på klosteret i ulike høve og det var flott å få ein full konsert med hovudvekt på toner av Grieg,- romantisk, harmonisk og kraftfullt. Han fekk oss jamvel med på å byrja konserten med allsong.

Vi vil takke alle som kom og var med nokre gilde timar, og ikkje minst Kvinnherad Buejegerklubb, Jone Harkestad, Valen Gartneri, Ingrid Johannessen, Kjerringarden, Geir G. Flatabø, Jeanette Persson, André Eide og sist men ikkje minst Venelaget for Halsnøy kloster som alle var med å gje dagen innhald.

Fleire bilder frå dagen:

This slideshow requires JavaScript.

 

 

Snart Klosterdag!!

Posted on Updated on

Klosterdagen 2017 nærmer seg med stormskritt og vi kan lova eit rikhaldig program for dagen  til glede for store og små. Dagen er  sundag ,11. juni og vi opnar med  kafé og utstillingsopning i kjellaren. Årets klosterdag er  som alltid i tett samarbeid med Venelaget for Halsnøy kloster.

Utstillinga «Kom nærare»

Årets sommar-utstillar er Jeanette Persson, opprinnelig frå Sverige, men ho bur og arbeider på Stord. Ho er utdanna bl.a ved kunsthøgskulen i Bergen.

Hun ynskjer ikkje at kunsten skal forklares med ein masse ord, utan det er opp til kvar og ein å oppfatte og tolke arbeida . Med litt veiledning av tittel.

Stikkord  for arbeida hennar  er: kompakt transparans, vann, sirkel, estetisk, meiningsbærande materiale, organisk , skulpturelt, taktilt. Hun nyttar plast og monofilament som materiale i denne utstillinga, der ho bruker tekstile konstruksjons-og sammanføyingsteknikker. Lys og skugge er en særs viktig del av uttrykket.

Hun har brukt det siste året i sitt lille studio på Litlabø til å jobbe fram utstillinga som skal stå på Halsnøy kloster heile sommaren.

Føredrag; Urter til mat og medisin

Årets tema er urter og planter, både inne og ute. Årets føredragshaldar er Geir Guttorm Flatabø  som er utdanna lege (lege i Ulvik sidan 1982) og har eit særskilt interessefelt innan urter , kosthold og kosttilskudd  som behandling av sjukdom. Han bur på eit småbruk i Ulvik, der han har birøkt og dyrker urter, grønnsaker , frukt og bær til eige bruk. Han er og utdanna soppkunnig og deltar i landsomfattande kartleggingsprosjekt på «storsopp».  Han vant Kvitt eller dobbelt i NRK-TV i 1986 med urter som tema.

Meir urter og planter vert det også ute , der Ingrid Johannesen frå Kjerringgarden  har sal av urteprodukt: krydder- og teblandingar, såper, kremar, massasjeroljer, badeoljer m.m.; og Jone Harkestad frå Valen Gartneri stiller på klosterdagen med ei utval av urter og andre planter med ei viss tyngde av kulturhistorisk verdi. Det blir gjerne eit føredrag og to om plantedyrking og bruk gjennom tidene.

Det vert og høve til å kjøpe planter innanfor det som er mogeleg å ta med seg i bilen, mellom anna jordskokk, peparrot, mynther med meir.

Aktivitetar for små og store

Vidare på programmet står både bueskyting og leikar ute i klosterhagen. Medlemmer frå Kvinnherad buejegerklubb stiller med bueskyting- arena nedst i hagen. Her kan du få prøva deg som bueskytter under kyndig veileding av erfarne bueskyttarar frå klubben. Noko som skulle passa for både små og store? Klubben vart starta i 2009 og  meldte  inn i NBJF . Fleire av medlemmene gjer det skarpt i konkuransar ;både Bjørn Terje Sæbø og Jan Erik Nordhus har vunne landsmøteskytingane til NBJF , Rolf Dahle vart NM vinnar i Buejegerklassen i 3D i 2015 og Atle Helland vart NM vinnar i felt i 2012. Klubben har i dag vel 26 medlemmer og er i vekst.

Elles på tunet vil det bli gammaldagse leikar under leiing av medlemmer frå Venelaget for Halsnøy kloster. Passar for alle!

Konsert i stovene

Vi avsluttar dagen med Harmoni og romantikk .

André Eide

Med harmoniske tonar frå både den nasjonalromantiske og wienerklassiske tidsepoka, er det duka for ei god oppleving når André Eide held pianokonsert søndag 11. Juni. Det vert ein konsert med hovudvekt på musikken til Edvard Grieg, men og med innslag av andre komponistar.

André Eide er ein pianist busett på Stord og legg i sitt musikalske virke stor vekt på å formidle melodiøse og harmoniske verk av varierande komponistar.

 

 

 

 

 

Kafé

3 av primus-motorane i venelaget; Øystein, Toril og Elisabeth

Som alltid blir det kafé på gamla-kjøkenet på klosteret. Her stiller Venelaget for Halsnøy kloster «mannsterke» med både søtt og salt, vått og tørt,- dei legg seg alltid i selen for at du skal få nyta gode smaker. Dei står og som medarrangør i år og vi kan saman lova deg gilde timar ilag med oss denne dagen! Kjem du?

 

Velkomne!

 

 

 

 

 

 

 

 

 

 

 

 

Poesi i bilete, ord og tonar

Posted on Updated on

Poesi stod i høgsetet på Halsnøy kloster denne fyrste søndagen i mai. I strålande sol kunne vi ta imot alle som strøymde til for å oververa opning av utstillinga «Poestisk stille og Dyrisk poesi» og konserten «Enno ein gong».

Aurélia Frey, kunstnar og Jan Petter Myhre, SKL A/S

Først ut var  utstillinga med bilete av Aurélia Frey og Giacomo Brunelli, som vart behørig opna av representant frå SKL A/S , Jan Petter Myhre. Frey og Brunelli hadde 3 vekers kunstnaropphald i 2016 og syner med denne utstillinga delar av arbeida som vart til under opphaldet deira. Aurélia Frey syner berre omlag halvparten av av arbeida gjort her på klosteret, Den store utstillinga var i Bordeaux, den kan du sjå HER. SKL er vår mangeårige samarbeidspartnar og sponsor som vi ikkje kunne klart oss utan. Det var difor stas at dei kunne vera tilstades og stå for opninga denne dagen. Stas var det og å åpne utstilling med flunkande nye rammer frå Rammemakaren på Stord, generøst sponsa av Venelaget for Halsnøy kloster. Kvelden vart starta i grøne stova med eit aldri så lite musikalsk innslag med Tore Kloster og Ingunn Ådland, som saman framførde Schumann.

Utstillinga vart særs godt tatt imot av publikum og nokre av modellane til Frey fekk med seg eit lite bilete som takk for innsatsen. Enno er her fleire igjen, så vi vil oppmoda dei som har vore modellar om å ta turen til klosteret, både for å sjå utstillinga og hente bilete av seg sjølv. Utstillinga varer til 4. juni.

Etter opninga var det eit lite intermezzo med open kafé før ein kunne sessa seg i grøne stova for vakker konsert. Trioen Njål Bokn,Ingunn Ådland og Tore Kloster tok for seg Åsmund Olavson Vinje sine tekstar som var tonesett av Edvard Grieg. Interessante litterære kommentarar med snert om tekstane til Vinje og Grieg sin tonesetting vart framført av Bokn, før vi fekk høyre dei så kjende songane framførde og tolka av Ingunn Ådland ved pianoet og Tore Kloster sin song.

Klosterområdet  bada i vårsol denne tidlege kvelden i mai var med å gjere dette til gilde timar for alle dei frammøtte. Takk til kvar og ein som kom og delte stunda.

(Under finn du bilete frå dagen og nokre videosnuttar fra konserten.)

 

This slideshow requires JavaScript.

«Enno ein gong» – eit nytt blikk på Vinje-songane

Posted on Updated on

plakat konsert 7 mai copy

KONSERT i STOVENE

I etterkant av utstillingsopninga sundag 7.mai, Kl 19.00  inviterer vi til konserten

«Enno ein gong» – Eit nytt blikk på Vinje-songane.

Medverkande:  Njål  Bokn,  litterære kommentarar,  Ingunn Ådland, piano  og Tore Kloster, tenor  

I 1880 komponerte Edvard Grieg musikk til dikt av Aasmund Olavson Vinje. Opprinneleg var det 15 songar, men Grieg valde å utelate tre av dei.

Bakgrunnen for denne konserten er erkjenninga av at Grieg ikkje nødvendigvis nytta tekstane slik Vinje skreiv dei. Dette har gruppa granska i og late det munne ut i eit konsertføredrag der dei originale tekstane vert nytta, og der historiane kring tekstane vert belyst.

Dei tek også med dei Vinje-songane Grieg ikkje tok med i sitt opus 33.

Les resten av dette innlegget »

POETISK STILLHET OG DYRISK POESI – UTSTILLING OG KONSERT PÅ HALSNØY KLOSTER

Posted on Updated on

Utstillinga POETISK STILLHET OG DYRISK POESI

Våren er på frammarsj og det betyr auka aktivitet på Halsnøy kloster. Allereie fyrstkommande sundag ynskjer Sunnhordland Museum velkomen til utstillinga ”Poetisk Stillhet og Dyrisk Poesi” på Halsnøy Kloster. Utstillinga syner resultata frå Frey og Brunelli sine kunstnaropphald ved klosteret i mai i fjor.

 Utstillinga vert opna av Jan Petter Myhre / SKL

MERK: etter opninga vert det konsert ved Tore Kloster, Ingunn Ådland og Njål Bokn i klosterstovene

Aurélia Frey bur og arbeider i Arles i Frankrike.  Ho har hatt fleire utstillingar i Frankrike, og har vore utvald til ei rekkje kunstnaropphald, mellom anna ved Picasso museet i Antibes.

Hennar interesse ligg i skjæringspunktet mellom litteratur, maleri og fotografi, og ho har lenge vore svært opptatt av dei norske forfattarane Tarjei Vesaas og Olav H. Hauge, og biletkunstnaren Anna Eva Bergmann.

 

Beneath Life is Silence (Bak livet er stillhet) er tittelen på prosjektet ho laga under opphaldet på Halsnøy Kloster.

Dette er inspirert av Vesaas si siste prosa bok Båten om kvelden, og Aurélia sin respons til hans verd og hans forhold til naturen.

”Eg er  oppteken av Vesaas si utforsking av overgangar, mellom godt og vondt, skugge og lys, vatn og jord. Slik tankane vandrar mellom tåke og klårheit, røyndom og draumar. Slik tida vert hengande mellom liv og død. Hans sterke forhold til den verkelege verda,  karakterane  som er merkelege, men tydelige, alltid litt distansert frå resten av menneskeheita.

Desse overgangane mellom det konkrete og det abstrakte er det eg prøver å fange i mitt eige arbeid, ved å utydeleggjere grensene mellom fotografi og maleri. Å gå inn i Tarjei Vesaas si verd, – ei verd av jord og vatn, is og skogar, snø og tåke, – er som forfattaren sjølv seier: ikkje for å forstå, men å vera nær det som skjer”.

Giacomo Brunelli er frå Perugia i Italia, men bur og arbeider i London. Arbeida hans har vore utstilt over store deler av verda, og han er innkjøpt til fleire internasjonale kunstsamlingar og museum. Han har motteke fleire prisar, og har gjeve ut tre bøker. The Animals har vore Giacomo sitt hovudprosjekt sidan 2005, og er eit prosjekt som stadig går vidare. Giacomo karakteriserer måten han fotograferer dyr på som ”dyrefokusert gatefotografi”, han går gjerne svært nær dyra slik at dei er nøydde til å forhalde seg til han og kamera. Han tilbrakte mykje tid blant dyr då han var barn, og han meiner dette er årsaka til at han er svært fascinert av dei.

På klosteret arbeidde han vidare med dyrebilder, men gjerne i utstrakt tyding, og han syner ein del av desse på utstillinga. Giacomo arbeider på tradisjonelt vis med fotografi, han fotograferer på film, og lagar bildene sjølv i eige mørkerom.  Resultatet er stemningsfulle, poetiske skildringar av dyr i forskjellige fasar og situasjonar.

Aurélia Frey vil vera tilstades ved opninga.

Kunstnaropphaldsprogrammet er støtta av SKL

KONSERT

Kl 19.00  same kveld inviterer vi til konserten «Enno ein gong» – Eit nytt blikk på Vinje-songane.

Konserten vert i stovene på klosteret. Inngong kr. 150.-

Medverkande: Njål  Bokn,  litterære kommentarar,  Ingunn Ådland, piano, Tore Kloster, tenor.

For informasjon om Klosteret, opningstider og anna, kontakt Sunnhordland Museum

hkl@sunnhordland.museum.no, tlf. 53413899/ 48130020

For meir informasjon om utstillinga og AiR prosjektet, kontakt Øyvind Hjelmen

(kunstnarleg leiar for AiR-prosjektet)

tlf 9008 0778 eller oh@oyvindhjelmen.com

 

 

Refleksjonar, diskusjonar og planar – Ruinseminaret 2017

Posted on Updated on

Ikkje før hadde vi lagt påskeveka bak oss så vart det gjort klart til det årlege ruin-seminaret med deltakarar frå Riksantikvaren, NIKU, Bergen Kommune, Sunnhordland museum, murar  og gjester frå  Venelaget for Halsnøy kloster.

Seminaret er årvisst ( siste 10 år) og ein har gjennomgang  og synfaring av det som vart gjort av konservering i føregåande år og ein diskuterer seg fram til  prioriteringar og løysingar for arbeidet i inneverande år. Mellom synfaringar og diskusjonar er det bevertning , fleire meiningsutvekslingar  og høve til å varma seg litt . Alle tilreisande deltakarar bur på huset.

Berre nokre veker i forkant vart det som syner av korsgangen hellelagt på nytt. Ein ser seg framleis ikkje heilt ferdig her, men den framstår no meir forståeleg enn før og dette arbeidet fortset i 2017. Referat frå seminaret kjem.