Nyheter

Snart Klosterdag!!

Posted on Updated on

Klosterdagen 2017 nærmer seg med stormskritt og vi kan lova eit rikhaldig program for dagen  til glede for store og små. Dagen er  sundag ,11. juni og vi opnar med  kafé og utstillingsopning i kjellaren. Årets klosterdag er  som alltid i tett samarbeid med Venelaget for Halsnøy kloster.

Utstillinga «Kom nærare»

Årets sommar-utstillar er Jeanette Persson, opprinnelig frå Sverige, men ho bur og arbeider på Stord. Ho er utdanna bl.a ved kunsthøgskulen i Bergen.

Hun ynskjer ikkje at kunsten skal forklares med ein masse ord, utan det er opp til kvar og ein å oppfatte og tolke arbeida . Med litt veiledning av tittel.

Stikkord  for arbeida hennar  er: kompakt transparans, vann, sirkel, estetisk, meiningsbærande materiale, organisk , skulpturelt, taktilt. Hun nyttar plast og monofilament som materiale i denne utstillinga, der ho bruker tekstile konstruksjons-og sammanføyingsteknikker. Lys og skugge er en særs viktig del av uttrykket.

Hun har brukt det siste året i sitt lille studio på Litlabø til å jobbe fram utstillinga som skal stå på Halsnøy kloster heile sommaren.

Føredrag; Urter til mat og medisin

Årets tema er urter og planter, både inne og ute. Årets føredragshaldar er Geir Guttorm Flatabø  som er utdanna lege (lege i Ulvik sidan 1982) og har eit særskilt interessefelt innan urter , kosthold og kosttilskudd  som behandling av sjukdom. Han bur på eit småbruk i Ulvik, der han har birøkt og dyrker urter, grønnsaker , frukt og bær til eige bruk. Han er og utdanna soppkunnig og deltar i landsomfattande kartleggingsprosjekt på «storsopp».  Han vant Kvitt eller dobbelt i NRK-TV i 1986 med urter som tema.

Meir urter og planter vert det også ute , der Ingrid Johannesen frå Kjerringgarden  har sal av urteprodukt: krydder- og teblandingar, såper, kremar, massasjeroljer, badeoljer m.m.; og Jone Harkestad frå Valen Gartneri stiller på klosterdagen med ei utval av urter og andre planter med ei viss tyngde av kulturhistorisk verdi. Det blir gjerne eit føredrag og to om plantedyrking og bruk gjennom tidene.

Det vert og høve til å kjøpe planter innanfor det som er mogeleg å ta med seg i bilen, mellom anna jordskokk, peparrot, mynther med meir.

Aktivitetar for små og store

Vidare på programmet står både bueskyting og leikar ute i klosterhagen. Medlemmer frå Kvinnherad buejegerklubb stiller med bueskyting- arena nedst i hagen. Her kan du få prøva deg som bueskytter under kyndig veileding av erfarne bueskyttarar frå klubben. Noko som skulle passa for både små og store? Klubben vart starta i 2009 og  meldte  inn i NBJF . Fleire av medlemmene gjer det skarpt i konkuransar ;både Bjørn Terje Sæbø og Jan Erik Nordhus har vunne landsmøteskytingane til NBJF , Rolf Dahle vart NM vinnar i Buejegerklassen i 3D i 2015 og Atle Helland vart NM vinnar i felt i 2012. Klubben har i dag vel 26 medlemmer og er i vekst.

Elles på tunet vil det bli gammaldagse leikar under leiing av medlemmer frå Venelaget for Halsnøy kloster. Passar for alle!

Konsert i stovene

Vi avsluttar dagen med Harmoni og romantikk .

André Eide

Med harmoniske tonar frå både den nasjonalromantiske og wienerklassiske tidsepoka, er det duka for ei god oppleving når André Eide held pianokonsert søndag 11. Juni. Det vert ein konsert med hovudvekt på musikken til Edvard Grieg, men og med innslag av andre komponistar.

André Eide er ein pianist busett på Stord og legg i sitt musikalske virke stor vekt på å formidle melodiøse og harmoniske verk av varierande komponistar.

 

 

 

 

 

Kafé

3 av primus-motorane i venelaget; Øystein, Toril og Elisabeth

Som alltid blir det kafé på gamla-kjøkenet på klosteret. Her stiller Venelaget for Halsnøy kloster «mannsterke» med både søtt og salt, vått og tørt,- dei legg seg alltid i selen for at du skal få nyta gode smaker. Dei står og som medarrangør i år og vi kan saman lova deg gilde timar ilag med oss denne dagen! Kjem du?

 

Velkomne!

 

 

 

 

 

 

 

 

 

 

 

 

Arborister i mai månad

Posted on Updated on

Mai måned har gått unna i stor fart. Etter utstillingsåpninga har det gått slag i slag med mellom anna kunstnaropphald og besøk av arborist- studenter frå Hjeltnes/Fagskolane i Hordaland. Studentene var ute i praksisopplæring og dei valde å legga turen til Halsnøy kloster og dei mektige trea her hos oss. Fint vér hadde dei med seg og!

 

«Enno ein gong» – eit nytt blikk på Vinje-songane

Posted on Updated on

plakat konsert 7 mai copy

KONSERT i STOVENE

I etterkant av utstillingsopninga sundag 7.mai, Kl 19.00  inviterer vi til konserten

«Enno ein gong» – Eit nytt blikk på Vinje-songane.

Medverkande:  Njål  Bokn,  litterære kommentarar,  Ingunn Ådland, piano  og Tore Kloster, tenor  

I 1880 komponerte Edvard Grieg musikk til dikt av Aasmund Olavson Vinje. Opprinneleg var det 15 songar, men Grieg valde å utelate tre av dei.

Bakgrunnen for denne konserten er erkjenninga av at Grieg ikkje nødvendigvis nytta tekstane slik Vinje skreiv dei. Dette har gruppa granska i og late det munne ut i eit konsertføredrag der dei originale tekstane vert nytta, og der historiane kring tekstane vert belyst.

Dei tek også med dei Vinje-songane Grieg ikkje tok med i sitt opus 33.

Les resten av dette innlegget »

Refleksjonar, diskusjonar og planar – Ruinseminaret 2017

Posted on Updated on

Ikkje før hadde vi lagt påskeveka bak oss så vart det gjort klart til det årlege ruin-seminaret med deltakarar frå Riksantikvaren, NIKU, Bergen Kommune, Sunnhordland museum, murar  og gjester frå  Venelaget for Halsnøy kloster.

Seminaret er årvisst ( siste 10 år) og ein har gjennomgang  og synfaring av det som vart gjort av konservering i føregåande år og ein diskuterer seg fram til  prioriteringar og løysingar for arbeidet i inneverande år. Mellom synfaringar og diskusjonar er det bevertning , fleire meiningsutvekslingar  og høve til å varma seg litt . Alle tilreisande deltakarar bur på huset.

Berre nokre veker i forkant vart det som syner av korsgangen hellelagt på nytt. Ein ser seg framleis ikkje heilt ferdig her, men den framstår no meir forståeleg enn før og dette arbeidet fortset i 2017. Referat frå seminaret kjem.

Oppdateringer av kalendere..

Posted on Updated on

999005_10151693947331357_242697392_n

Kalender for 2016  er nå oppdatert, det samme gjelder kalender for 2017.  

Allerede nå ser vi konturene av neste år og vi gleder oss !! 🙂

Halsnøy kloster, Tur-retur

Posted on Updated on

ferdig plakat galleri losjen 2016 (2) copy

Sunnhordland museum inviterer til

HALSNØY KLOSTER TUR – RETUR
Verk frå internasjonale kunstnaropphald
Utstilling i Galleri Losjen, Fitjar
30. januar til 27. februar.
Opning ved ordføraren i Fitjar laurdag 30. Januar kl 15.00
Sidan 2010 har Sunnhordland museum invitert internasjonale fotokunstnarar til tre vekers kunstnaropphald ved Halsnøy kloster. Til no har 34 kunstnarar frå 19 land vore valde ut til slike opphald, og dette har gjeve mange gode og spesielle opplevingar for både kunstnarar og Halsnøybuen. I samband med utstillingar som kunstnarane har halde på klosteret i etterkant av opphaldet, har dei og donert eit verk til museet si samling. Det er eit utval frå denne flotte, nye samlinga av fotokunst Sunnhordland museum no vil dele med fleire, og inviterer difor til utstilling i Galleri Losjen i Fitjar.

Noko av filosofien bak kunstnaropphaldsprogrammet har vore å gjenoppta den kulturelle utvekslinga Halsnøy hadde med den store verda i klostertida. Slik munkane hadde sitt internasjonale kontakt – og handelsnett som gav oss dåtida sin kultur og verdiar, kjem no verda til Halsnøy, og Halsnøy syner att ute i verda. Bilder og videoverk som er laga på Halsnøy vert stadig synt ved utstillingar i mellom anna London, Tokyo, Paris og New York.

6 nye spanande kunstnarar kjem til Halsnøy kloster i mai og august i år.

Kunstnaropphaldsprogrammet har vore mogeleg å gjennomføre på grunn av ei årviss støtte frå SKL.

Dei kunstnarane som er representert på denne utstillinga er:

Danielle Voirin (USA / Frankrike), Rosanna Salonia (Italia / USA), Minny Lee (Sør-Korea / USA), Sébastien van Malleghem (Belgia), Matthew Yates (USA), Pia Elizondo (Mexico), Marie Docher (Frankrike), Dan Dubowitz (Storbritannia), Lucia Herrero (Spania), Sylvia Ballhause (Tyskland), Virgilio Ferreira (Portugal), Maryse Goudreau (Canada), Veronika Marquez (Uruguay)

Verka omhandlar alt frå seriøse tema som miljø og metafysikk, via natur, og vidare mot det reint estetiske og humoristiske. Nokre har og arbeidd med utgangspunkt i museet sine samlingar. Her er både fotografi og videoverk, og utrykka er svært varierte.

Utstillinga er i samarbeid med Fitjar kommune.

Utdrag frå utstillinga:

 

For meir informasjon kontakt:

hkl@sunnhordland.museum.no     jane@sunnhordland.museum.no