Kunstneropphold

Kulturminnedag med ”NOVELLER, REALITETAR OG MAGI”

Posted on Updated on

 

 

”NOVELLER, REALITETAR OG MAGI”

ARTIST – IN – RESIDENCE UTSTILLING PÅ HALSNØY KLOSTER,

10. september – 8. oktober 2017

Fran Forman (USA), Sophie Zenon (Frankrike), Louisa Marie Summer (Tyskland/USA)

Utstillingsopning sundag 10. september kl 17.00

Utstillinga vert opna av forfattar Anne Karin Fonneland

Sunnhordland Museum ynskjer for 15. gong velkomen til utstilling i samband med kunstnaropphalda på Halsnøy Kloster. Det er tre markante kvinner som syner resultatet av opphaldet på Halsnøy i august / september i fjor. Alle tre har oppnådd stor merksemd internasjonalt med arbeida sine innanfor kvar sin retning.

Arrangementet er del av dei nasjonale kulturminnedagane. og vi har og omvisingar kl 14.00 og 15.30

 

Fran Forman arbeider med digital collage, det vil seie at ho tek utgangspunkt i eksisterande bilder, anten gamle bilder ho kjem over, eller nye bilder som ho lagar til føremålet. Desse bilda monterer ho saman digitalt, og lagar sine magiske og surrealistiske små forteljingar.

I dette tilfellet er alle grunnlagsbilda fotografert på Halsnøy i 2016, og det vert kun laga to eksemplar av kvart bilde.

Fran skriv om opplevinga si på Halsnøy, og prosjektet ho har kalla ”Midnight Sun”:

”I landet der sola når inn i natta, eit diffust lys gjev ein aura av mysterier og magi.

Fragment av draumar kjem og forsvinn, medan tida verkar å stå stille.(…) dette er augneblinkar av magi, der lyset og mørket blandar seg saman, der du skjønar at utan skuggen kan du aldri nyte lyset..”

Fran Forman har mastergrad i Fine Arts frå Boston University, og er i tillegg utdanna i sosiologi. Ho har hatt tallause utstillingar, og er innkjøpt i mange offentlige og private samlingar. Blant mange publikasjonar kan nemnast den prisvinnande boka ”The Escape Artist”.

Sophie Zenon bur og arbeider i Paris. Ho fekk sterke opplevingar då ho fotograferte i Mongolia på 90-talet, og fatta interesse for korleis ulike folk tenkjer kring liv og død, sjamanisme og anna mystikk. Ho arbeider og med si eiga familiehistorie.

På Halsnøy har ho laga ein serie med små historiar i biletform, og oppfordrar betraktarane til å finne sine eigne historiar i prosjektet ”Short Stories at Halsnøy Kloster”. Ho seier: ”På denne staden, borte frå verda, ein stad eg opplevde verken verkeleg eller uverkeleg, fann eg drivstoff til fantasien min.

Historiane framsto som i eit spanande lukka rom der hovudpersonen vert konfrontert med eigne minne, og møte med menneske som har gått bort.”

Sophie Zenon har mange utstillingar bak seg, over store delar av Europa, og har gjeve ut ei rekkje bøker. Ho har og motteke fleire prisar for arbeida sine.

Louisa Marie Summer bur i New York og München, og arbeider over store deler av verda med å dokumentere dagleglivet til menneske som slit.

Ho er ein visuell historieforteljar som er sterkt oppteken av sosiale forhold, og seier at for henne betyr fotografiet å nærma seg andre menneske sine liv med nysgjerrighet, respekt og empati.

På Halsnøy opplevde ho eit sterkt og godt samansveisa lokalsamfunn der alle kjenner alle, og ho vart snart kjend som fotografen som vinka og ville ta bilde av folk.

”Då eg reiste frå klosteret tok eg med meg dei vakre og intime møta eg hadde hatt med folk på øya. Eg opplever at portretta mine reflekterer noko av øya sin ande, eg opplever folk på øya som venlege, gjennomtenkte, om enn noko reserverte. Dei har ei naturleg indre kraft, som eit tre som bøyer seg i vinden utan å knekke”.

Louisa har hatt utstillingar i mange land, og bilda hennar er publisert i aviser og magasin.

Ho har gjeve ut tre bøker, den siste – ”Jennifer´s Family” – kom i 2012.

 

For informasjon om Klosteret, opningstider og anna, kontakt Sunnhordland Museum

hkl@sunnhordland.museum.no, tlf. 53413899/ 48130020

For meir informasjon om utstillinga og AiR prosjektet, kontakt Øyvind Hjelmen

(kunstnarleg leiar for AiR-prosjektet) tlf 9008 0778 eller oh@oyvindhjelmen.com

Kunstnaropphaldsprogrammet er støtta av 

 

Reklamer

Tre veker nærmar seg slutten..

Posted on Updated on

I 2 veker har fotografane Zhen, Natan og Naoyuki no oppheldt seg på Halsnøy kloster. I løpet av denne tida har dei så langt fått med seg filmpremiere, hatt kunstnar-presentasjon, vore på rundtur i delar av Sunnhordland og delteke på open dag på muséet, der dei fekk ta del i aktivitetane og sjå forestillinga «Skarvane på Utrøst» med Johanne. Øvstebø Tvedten.

Alt mens dei jobbar iherdig med sine eigne prosjekt.  Enno er det ei veke igjen før dei reiser heim, og vi ser resultata først neste år.

Neste post på programmet her på klosteret er utstillingsopning sundag 10. september kl 17.00..meir kjem!

Bileta under gjer eit lite innblikk i dagane deira her.

 

Denne lysbildefremvisningen krever JavaScript.

Endelig utvalg for A.I.R 2018

Posted on Updated on

Det endelige utvalget av fotokunstnere er i disse dager gjort og vi er glade  for å kunne annonsere finalistene under.
Vi Gratulerer!
 AiR Halsnøy Kloster 2018, Final selection:
 
 TIM PARCHIKOV
PHILLIPE BRAQUENIER
ANNE-SOPHIE COSTENOBLE
DANIELA FRIEBEL
KLARA SOFIE LUDVIGSEN

Utvalg/Shortlist for 2018 og stemningsrapport fra Arles

Posted on Updated on

En hektisk uke er over og det har tatt et par dager å lande etter hjemkomsten fra Arles, Rencontres de Photographie d’Arles, Frankrike. Vi har hatt vel 50 ! møter med søkere til kunstneropphold for 2018 + vi har mottatt ca 10 søknader på e-post,- altså vel 60 søkere å vurdere. Varmen var også upåklagelig høy, ca. 38 gr.- litt i overkant av hva som ansees som behagelig arbeidstemperatur :D… Vi traff også en del gamle kjente fra tidigere opphold og vi fikk med oss en brøkdel av de totalt vel 180 utstillingen rundt om i byen.

Men , som alltid blir det gjort et utvalg siste dagen, vi kom i mål denne gangen også. «Shortlist» er et utvalg på 12 søkere som før slutten av august skal kortes ned til 6. Disse 6 vil bli invitert til opphold i 2018. Som alltid er dette en pinefull, men spennende prosess siden vi er priviligert med å få møte så mange utrolig hyggelige mennesker og ikke minst sterke kandidater. Under finner dere listen på de 12, samt litt bilder fra uka 😉

AiR 2018

 

Vi MÅ få takke denne gjengen, disse holdt oss i live med tørt og vått hele uken!  Fabelaktige L’Equipe d’Arlesien, som har en arbeidsdag som overgår de fleste, alltid hyggelige og serviceinnstilte; MERCI BIEN!! (Flere bilder under listen)

Selected Shortlist for A.i.R at Halsnøy kloster 2018  

Dear All,
First we wish to thank all of you for submitting your works to us, for feedback and application.
During the past few months and days we have had wonderful encounters with talented people,
and we have also received many great works via e-mail.
In total there were 60 applications to the 6 spaces we have available.
The quality of the applications has made this selection process very hard, and there are several projects that so nearly missed the shortlist
that we wish we could have included more photographers in our program. Unfortunately this is not possible.
If your name is on the shortlist, congratulations!
If it is not, you may want to consider applying again next year.
The final selection of 6 artists to be invited, will be done during August. We know this part of the selection
process will be equally difficult. When the decision has been made, you will all receive another e-mail with the final result.
Thank you again for letting us have the privilege of selecting among such great works.
Please find the shortlist below.
Within a few days the shortlist will also be available on Halsnøy Kloster´s website
and on facebook:
Best wishes
Øyvind and Helén
SHORTLIST FOR A-i-R HALSNØY KLOSTER 2018
DANI CARDONA
MELANIE WENGER
 TIM PARCHIKOV
CLÉMENT LESAFFRE
KAMIL VOJNAR
SWARUP DUTTA
PHILLIPE BRAQUENIER
DASHA PEARS

Denne lysbildefremvisningen krever JavaScript.

Fyrste A.i.R – opphald i 2017

Posted on Updated on

Gabriela Morawetz og Jane Fulton Alt sitt opphald på klosteret er snart til endes. I løpet av dei 3 vekene dei har vore her har dei ikkje berre arbeida med eigne ting men og  vore med å feira 17.mai, hatt kunstnarpresentasjon i stovene, vore på utstillingsopning i Uskedalen, vore intervjua av Kvinnheringen og feira Jane si fødselsdag. Med andre ord rikhaldige veker. Dei ynskjer og å takka dei som har stilt opp som modeller til prosjekta deira. Det vert spanande å sjå kva dei kjem attendes med til neste år.

Poesi i bilete, ord og tonar

Posted on Updated on

Poesi stod i høgsetet på Halsnøy kloster denne fyrste søndagen i mai. I strålande sol kunne vi ta imot alle som strøymde til for å oververa opning av utstillinga «Poestisk stille og Dyrisk poesi» og konserten «Enno ein gong».

Aurélia Frey, kunstnar og Jan Petter Myhre, SKL A/S

Først ut var  utstillinga med bilete av Aurélia Frey og Giacomo Brunelli, som vart behørig opna av representant frå SKL A/S , Jan Petter Myhre. Frey og Brunelli hadde 3 vekers kunstnaropphald i 2016 og syner med denne utstillinga delar av arbeida som vart til under opphaldet deira. Aurélia Frey syner berre omlag halvparten av av arbeida gjort her på klosteret, Den store utstillinga var i Bordeaux, den kan du sjå HER. SKL er vår mangeårige samarbeidspartnar og sponsor som vi ikkje kunne klart oss utan. Det var difor stas at dei kunne vera tilstades og stå for opninga denne dagen. Stas var det og å åpne utstilling med flunkande nye rammer frå Rammemakaren på Stord, generøst sponsa av Venelaget for Halsnøy kloster. Kvelden vart starta i grøne stova med eit aldri så lite musikalsk innslag med Tore Kloster og Ingunn Ådland, som saman framførde Schumann.

Utstillinga vart særs godt tatt imot av publikum og nokre av modellane til Frey fekk med seg eit lite bilete som takk for innsatsen. Enno er her fleire igjen, så vi vil oppmoda dei som har vore modellar om å ta turen til klosteret, både for å sjå utstillinga og hente bilete av seg sjølv. Utstillinga varer til 4. juni.

Etter opninga var det eit lite intermezzo med open kafé før ein kunne sessa seg i grøne stova for vakker konsert. Trioen Njål Bokn,Ingunn Ådland og Tore Kloster tok for seg Åsmund Olavson Vinje sine tekstar som var tonesett av Edvard Grieg. Interessante litterære kommentarar med snert om tekstane til Vinje og Grieg sin tonesetting vart framført av Bokn, før vi fekk høyre dei så kjende songane framførde og tolka av Ingunn Ådland ved pianoet og Tore Kloster sin song.

Klosterområdet  bada i vårsol denne tidlege kvelden i mai var med å gjere dette til gilde timar for alle dei frammøtte. Takk til kvar og ein som kom og delte stunda.

(Under finn du bilete frå dagen og nokre videosnuttar fra konserten.)

 

Denne lysbildefremvisningen krever JavaScript.

POETISK STILLHET OG DYRISK POESI – UTSTILLING OG KONSERT PÅ HALSNØY KLOSTER

Posted on Updated on

Utstillinga POETISK STILLHET OG DYRISK POESI

Våren er på frammarsj og det betyr auka aktivitet på Halsnøy kloster. Allereie fyrstkommande sundag ynskjer Sunnhordland Museum velkomen til utstillinga ”Poetisk Stillhet og Dyrisk Poesi” på Halsnøy Kloster. Utstillinga syner resultata frå Frey og Brunelli sine kunstnaropphald ved klosteret i mai i fjor.

 Utstillinga vert opna av Jan Petter Myhre / SKL

MERK: etter opninga vert det konsert ved Tore Kloster, Ingunn Ådland og Njål Bokn i klosterstovene

Aurélia Frey bur og arbeider i Arles i Frankrike.  Ho har hatt fleire utstillingar i Frankrike, og har vore utvald til ei rekkje kunstnaropphald, mellom anna ved Picasso museet i Antibes.

Hennar interesse ligg i skjæringspunktet mellom litteratur, maleri og fotografi, og ho har lenge vore svært opptatt av dei norske forfattarane Tarjei Vesaas og Olav H. Hauge, og biletkunstnaren Anna Eva Bergmann.

 

Beneath Life is Silence (Bak livet er stillhet) er tittelen på prosjektet ho laga under opphaldet på Halsnøy Kloster.

Dette er inspirert av Vesaas si siste prosa bok Båten om kvelden, og Aurélia sin respons til hans verd og hans forhold til naturen.

”Eg er  oppteken av Vesaas si utforsking av overgangar, mellom godt og vondt, skugge og lys, vatn og jord. Slik tankane vandrar mellom tåke og klårheit, røyndom og draumar. Slik tida vert hengande mellom liv og død. Hans sterke forhold til den verkelege verda,  karakterane  som er merkelege, men tydelige, alltid litt distansert frå resten av menneskeheita.

Desse overgangane mellom det konkrete og det abstrakte er det eg prøver å fange i mitt eige arbeid, ved å utydeleggjere grensene mellom fotografi og maleri. Å gå inn i Tarjei Vesaas si verd, – ei verd av jord og vatn, is og skogar, snø og tåke, – er som forfattaren sjølv seier: ikkje for å forstå, men å vera nær det som skjer”.

Giacomo Brunelli er frå Perugia i Italia, men bur og arbeider i London. Arbeida hans har vore utstilt over store deler av verda, og han er innkjøpt til fleire internasjonale kunstsamlingar og museum. Han har motteke fleire prisar, og har gjeve ut tre bøker. The Animals har vore Giacomo sitt hovudprosjekt sidan 2005, og er eit prosjekt som stadig går vidare. Giacomo karakteriserer måten han fotograferer dyr på som ”dyrefokusert gatefotografi”, han går gjerne svært nær dyra slik at dei er nøydde til å forhalde seg til han og kamera. Han tilbrakte mykje tid blant dyr då han var barn, og han meiner dette er årsaka til at han er svært fascinert av dei.

På klosteret arbeidde han vidare med dyrebilder, men gjerne i utstrakt tyding, og han syner ein del av desse på utstillinga. Giacomo arbeider på tradisjonelt vis med fotografi, han fotograferer på film, og lagar bildene sjølv i eige mørkerom.  Resultatet er stemningsfulle, poetiske skildringar av dyr i forskjellige fasar og situasjonar.

Aurélia Frey vil vera tilstades ved opninga.

Kunstnaropphaldsprogrammet er støtta av SKL

KONSERT

Kl 19.00  same kveld inviterer vi til konserten «Enno ein gong» – Eit nytt blikk på Vinje-songane.

Konserten vert i stovene på klosteret. Inngong kr. 150.-

Medverkande: Njål  Bokn,  litterære kommentarar,  Ingunn Ådland, piano, Tore Kloster, tenor.

For informasjon om Klosteret, opningstider og anna, kontakt Sunnhordland Museum

hkl@sunnhordland.museum.no, tlf. 53413899/ 48130020

For meir informasjon om utstillinga og AiR prosjektet, kontakt Øyvind Hjelmen

(kunstnarleg leiar for AiR-prosjektet)

tlf 9008 0778 eller oh@oyvindhjelmen.com